Shakarim University-де «EDUSUMMER: Озық тәжірибе – ортақ даму» тақырыбында өткен «Жазғы мектеп»  аяқталды.

Биылғы «Жазғы мектеп» бағдарламасы мазмұнды әрі жан-жақты болды. Қатысушыларға арналған семинарлар мен шеберлік сабақтары білім беру сапасын арттырудың жаңа тетіктеріне арналды. Сондай-ақ, пікірталас алаңдарында педагогтар тәжірибе алмасып, өздерінің әдістемелік ізденістерін ортаға салды.

Бағдарлама барысында қатысушылар үшін түрлі семинарлар, шеберлік сабақтары ұйымдастырылды. Оқытушылар тәжірибе алмасып қана қоймай, білім сапасын арттырудың тың жолдарын іздестірді.

Жазғы мектеп 4 негізгі бағытты қамтыды:

1.Цифрлық трансформация және жасанды интеллект.

2.MOOC – білім берудің болашағы.

3.Ғылыми белсенділік және жобалық даму.

4.Халықаралық және жаһандық интеграция.

Практикум барысында қатысушылар ғылыми мақаланың құрылымымен, жобалық ұсыныстардың мазмұндық талаптарымен танысып, өз жобалық идеяларын пысықтады. Қорытынды кезеңде бірнеше ғылыми-жобалық ұсыныстар жасалып, сарапшылар алдында сәтті қорғалды.

Жазғы мектеп аясында тыңдаушылардың инновациялық ойлау қабілетін дамытуға ерекше көңіл бөлінді. Бұл бағытта қатысушылар жаңа идеяларды стартап-жобаларға айналдыруға мүмкіндік алды. Университет экожүйесінде заманауи стартап мәдениетін қалыптастыруға бағытталған жобалар ұсынылды.

Қатысушылар үшін білім алмасу, жаңа идеялар генерациясы және кәсіби өсу алаңы болды. Шара нәтижелері университеттің стратегиялық трансформациясына үлес қосады және жыл сайын дәстүрлі түрде өткізуді қажет етеді.

Ұйымдастырушылар алдағы уақытта да білім саласын жетілдіруге бағытталған шаралар жалғасын табатынын жеткізді.